Plantun de Prouvènço

Pèr coumpara dos planto d'encò nostre

Rosa elliptica & Schistidium crassipilum

Agufié(-di-fueioun-redounet)

Rosa elliptica

Rosaceae

Àutri noum : Agoulencié, Agrufié, Agoulancié, Grato-quiéu, Tapo-cuou.

Noms en français : Rosier à feuilles elliptiques, Rosier à folioles elliptiques.

Descripcioun :
Aquest agufié trachis dins li colo e en basso mountagno. Ei proche de Rosa agrestis, emé si fueio glandoulouso e si pecou de flour, qu'au contro an ges de glando. Pamens eici li fuioun soun redounet, lis estile pelous, li flour un pau roso e l'ourifice calicinau (fotò) grand (1/3 à 1/4 dóu Ø).

Usanço :
Tóuti lis agufié fan de fru (grato-cuou, agoulènço...), riche en vitamino C e anti-enflamatiéu, que soun bon à manja, majamen en counfituro.

Port : Aubret
Taio : 1 à 2 m
Fueio : coumpausado
Tipe bioulougico : Faneroufite
Cicle bioulougico : Planto renadivo

Gènre : Rosa
Famiho : Rosaceae

Ordre : Rosales

Coulour de la flour : Blanco
Petalo : 5
Ø (o loungour) flour : 2,5 à 4 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Tepiero seco - Roucaio - Colo - Basso mountagno
Estànci : Mesoumediterran à Mountagnard
Couroulougi : Éuropenco
Ref. sc. : Rosa elliptica Tausch, 1819

Grimìo-de-la-pouncho-espesso

Schistidium crassipilum

Grimmiaceae

Nom en français : Grimmie à pointe épaisse.

Descripcioun :
La grimìo-de-la-pouncho-espesso dóu gènre Schistidium trachis en couissin pu o mens sarra e de coulour bruno à óulivo sus li roco cauquiero. Douno de ramo irreguliero que podon faire fin qu'à 5 cm d'aut. De proumié abord se recounèis à sis urno aurenjo 'mé uno couifo pounchudo roujo un pau espesso e peréu à si fueio en lanço verd-óulivo generalamen acabado pèr un pouncho ialino. Li dènt dóu peristome soun drecho e acabado pèr un pouncho bruno. La sedo jauno à aurenjo èi courteto (0,5 mm).

Usanço :
S'atrovo au nostre d'àutri meno dóu gènre Schistidium que ié sèmblo proun coume S. elegantulum, S. robustum, S. singarense nouma group Schistidium apocarpum.